律政署刑事檢控人員的水平法律完全不合格 必須提高

作者: 冼國林 2021年10月30日

政治




我從2019年底開始,直至到今日在 「冼師傅講場」多次不斷重複,就算國安法未出臺,律政處及警方可以引用《刑事罪行條例》第9和第10條去處理一此發表煽動文字(包括標語及旗幟)或文章去煽惑市民之間嘅仇恨及推翻政府的罪行。直至到最近我見到警方開始引用呢兩條條例去控告一些發表煽惑文章或標語嘅人, 內心才略為安慰。
 
但是今天有網友發給我一條電視視頻,內容是訪問律政司司長鄭若驊。 在訪問中,鄭若驊說香港有好多休眠咗很久嘅法例是可以處理犯煽惑罪的人,所以要激活這些法例。他所講的法例就是《刑事罪行條例》第9條及第10條 。她說會積極考慮引用這兩條條例去處理有關煽惑的罪行。
 
睇完這條視頻,我內心個心非常感慨, 原來我哋香港律政司和刑事檢控人員嘅法律知識水平如此低。
首先,任何法例,除了已經明文廢除外,都不會休眠,因為它一直「有效地」存在, 它們不是荒廢建築物, 所以不存在所謂激活或者活化。 鄭若驊咁樣講法,只是反映到我們的律政署檢控人員是從來沒有認真地用心去研究,在所有現行法例之內尋找一些正確及適合嘅條例去控告犯罪者。
 
我並非執業律師,只是一個法律系畢業生,我都可以用心去尋找到並多次提出, 就算國安法未成立 ,《刑事罪行條例》 第9及第10條 都可以處理大部份反中亂港嘅罪行, 點解年薪過百萬甚至幾百萬嘅律政檢控人員搵唔到呢?《刑事罪行條例》只有百多條, 其中仲有好多係已經寫明廢除, 所以實際上得幾十條,如果要搵,一眼就搵到。點解我這兩年間重複多次, 今日律政司才知道有這條例呢?大家是否為我哋香港嘅檢控人員嘅法律知識水平汗顏?
 
雖然鄭若驊她是資深大律師,主力是仲裁而並非刑事,但是如果佢可以領導下屬,好似我咁去細心研究相關條例,根本毫無可能搵唔到。特別是律政處他們是經常都用緊《刑事罪行條例》內之其他法例,例如刑事恐嚇,刑事毀壞等。
 
我唔排除鄭若驊司長是一位愛國愛港嘅人,但係以佢咁嘅能力和工作態度去帶領香港律政處 , 我真的擔心香港律政處嘅工作是否能夠得到大眾期望的合理水平。
 
我認為特區領導人 或者未來特區政府要重新考慮如何提高律政處檢控人員嘅法律知識水平。當然,法官的水平亦必須要同步提高。有着高法治水平的社會,政府才可以全力發展經濟,創造良好營商環境,打造香港特區成為國際金融中心。 在此,我希望中央及特區政府可以認真正視檢控人員低水平 這個問題。
上一篇: 披著羊皮的美式民主末落和香港民主派的前路
下一篇: 悼念尊敬嘅好友江迅先生


政綱

視頻

文章

留言